病向淺中醫（六）

大家都知道，要造影，就要用到顯影劑，所以首先會在手上開個針口，用嚟打藥。姑娘做個針口嘅時候，幫我度住血壓心跳，過咗一陣之後話，個心跳仲係有啲快，咁可能要食粒減慢心跳嘅藥，再等。

Huh? 70幾喎，你嘅意思係話我心跳唔正常？姑娘好有耐性咁解釋「咁你又唔使擔心，你嘅心跳好正常，不過做心臟科造影最好係70樓下，數據會準確啲」。

「咁咪十個有九個來到呢度都要食呢粒藥囉」？

「都係架」

「哦，咁就得啦」知道自己並非一個特例，心情即刻好咗。

「姑娘，其實我主要係驚我自己會未完成就已經低血糖暈鬼咗囉」

無諗過姑娘同醫生同一陣線，笑住叫我無有怕，呢度係醫院來。