The Real Kindness

「The real kindness is when you are ready to give up something that you need yourself」

疫情之下深深體會到呢句說話嘅意思。市面上開始見到有口罩賣，即使價格不便宜，起碼比起之前一罩難求已經好了太多，所以我先敢寫低呢段，多謝大家。

我哋嘅大人口罩之前一直只有單位數字，所以簡單落一落街買餸，我基本上都無用過。與其話我太有冒險精神，不如話我只係一心想把口罩留俾日日都要長途跋涉去返工、撐起頭家嘅人。

我唔敢同朋友們講，知道一出聲朋友們一定會出手幫，係呢個時候，唔係清高，只係唔想再奪人所需。

我亦無好似一D朋友咁花大量時間去撲、去排，因為家中還有兩個小朋友，一日三餐、洗衫打掃、玩下遊戲、做下公司野，時間根本就唔見使，心中如果只有口罩，就乜都唔使做了。

感激曾經來問過我夠唔夠口罩用嘅朋友，請原諒我的拒絕，萬分感謝你哋無私嘅分享，亦感恩有你哋嘅關心，因為我好明白，你對我做嘅係「real kindness」，一切在心中！