育兒學放手

四年班開始我拒絕幫大女兒對功課，溫默書，甚至溫書。所以佢經歷過無做曬功課，要罰；無帶齊功課，要蓋紅印；唔識英文功課既字，要自己一個字一個字咁查字典；數學答案多過一半唔啱，要改錯重做。造句唔識造，要自己上網搵例子；作文唔識，睇多D書再來過。

好坦白講，我地成績唔會好好，但係每一分都係自己打拼返來。最開心就係佢自豪咁講，「媽媽，你知唔知，原來無人識查字典？」「媽媽，我今個學期無再欠交功課！」「媽媽，我知我點解咁低分了，因為......」「媽媽，我要買多幾本補充，我覺得有用，因為我今次棒形圖評估終於有95，之前做左幾份補充真係得」，我見到既係佢自己跌跌碰碰一路行過來，一路成長。

尋晚，見到佢自己先錄音，然後播返出來幫自己默書，有一刻我好心酸好感觸啊！媽媽無乜嘢可以俾佢，我有既就係夠狠心，狠心放手，而我堅信狠心源於我心裏最深既愛。所以我不停同佢講，你信我，你得既，你絕對無問題。我有信念，佢一定可以揾到向前既動力同方法，一定走得比我遠。