母親節的感觸

母親節的節目就係hea，大門不出二門不邁，然後同兩個女係屋企睇「加洲大地震」，一路睇一路同佢地解釋，不過場面太震撼，所以我見佢地有一半時間用手遮住面，偷睇。

兩個都因為齣戲變得感性，九歲的大女話：如果發生呢D事，我一定唔會自己走左去。戲入面，嗰個自己逃生既媽咪男朋友角色太鮮明了。細女話：如果我永遠都係6歲，媽媽永遠唔會老，全部人都一直一齊咁開心就好了。

有時候，正正是因為我地無奈，所以我地希望時間停留，又正正是我地明白時間難以停步，所以我地更珍惜彼此。