小朋友覺得自己快樂嗎?

尋日既講座，導師分享左唔少佢做輔導工作時的例子，其中有一個是他自己的親身經驗，其實不過係佢睇到一位媽咪不停在逼小朋友背書，講好左背完一句，小朋友可以停一停數數地鐵站名（估計小朋友好鍾意咁做），然後一句變再三個詞語，三個詞又變下一個站再說。於是，佢忍不住對呢位媽咪講，你好啊，其實我係做輔導工作的，太太你咁樣做小朋友會容易有情緒病架。

小朋友又唔傻，應承左而又一拖再拖下次點會仲有動力？大家估下，個媽咪答乜？阿婆聽完係即刻想🔨🔨🔨🔨佢。

個媽咪話：佢已經有情緒病啦。🙄🙄全場嘩然。

有時候我也會問，幫小朋友安排Mon -Sun 的興趣班，到底是為了滿足誰的興趣？很奢華的物質，到底是為了滿足誰內心深處的空虛？那你覺得小朋友快樂嗎？那小朋友覺得自己快樂嗎？

曾經見過一篇文章，說如果你現在讓孩子快樂，那孩子將來會很悲哀，所以我寧願孩子開始的時候不快樂。

我真的不敢苟同！物質主導的社會，大家把優渥的生活和快樂畫上等號了。我從小生活就不優渥，但是我很快樂，因為我從小到大都可以選擇自己喜歡的事情去做。我知道我很幸運，因為我有一對不會折斷我翅膀的父母。我常常對女兒說，條條大路通羅馬（佢地應該唔知羅馬係邊😂），好好讀書，只是讓你將來多了選擇。

大家不妨回去問一問小朋友，試試講一下心裏覺得做了而最快樂的三件事？