譚木匠

買第一把譚木匠已經是十幾年前，當時用過阿嫂把梳覺得超啱我把禾稈草，所以托佢幫我買。然後直到佢上市，先知道自己手上嗰把梳OK喎，市都上埋。

一直有懷疑呢間公司點搵錢，因為我一把梳閒閒地用左十幾年都好地地，仲要永久保修，啱啱斷左兩齒，然後又零費用修返好了（可能遇到我呢種人先無錢賺^_^）。終於係佢修補既時候我買左第二把梳。

曾經有人話，唓，我都唔用梳，用手指抓下咪得囉（因為無頭髮？）；咁多免費梳，邊到使買架；呢D道理我都明，不過你知唔知梳其實係好personal既嘢，尤其一把好梳，呢個情況係乾燥既冬天特別明顯。禾稈草好怕膠梳，會梳到人都癲。

轉台，837係2009年上市，上市時$2.58，2009年至今派息都算穩定，息率更加因為最近一次特別息拉高左一倍，如果唔係平均都過6釐，可惜現價PB 高左少少，大家不如先買把梳感受下。

廢話講完。