早計劃早享受

最近有D沮喪，連續兩張單俾公司decline 左😒。好多人話保險呢行難做，我自己就覺得入行其實一D都不難，只要你肯坐定定讀書肯認真做mock卷，考牌完全無難度。

建立自己既形象、豐富自己既知識、甚至儲客源，只要自己肯付出，慢慢也會站穩腳步，所以也不算難。

呢兩年我覺得最無力既就係，單簽到了，不過不穫批准。主要原因當然係客人的身體狀況已經不佳，卻忽然想買保險，這個時候已經不受保了。就算你一口氣簽了十單八單，其實可能有50%不受保，30%因為客人不滿exclusion counter offer 不肯簽名，10%因為客人medical rating 被加價而不肯買，最終可以成功受保的case不過5-10%。

不少人覺得，我幫你買保險是我在幫你，因為我俾生意你做。我想講，其實無論你買保險定係做儲備都係幫緊你自己、幫緊你屋企人、你既小朋友、你既父母、甚至你既兄弟姊妹。

每年同客人review，如果見到保障有缺口我都會提醒大家去留意，真心希望大家可以早D計劃，唔好等身邊有人「中招」甚至自己body check result 有問題時，先「叮一聲」覺得自己有需要，切身需要又點可以咁樣去處理！