持續進修學分

講講工作，大家知唔知我哋呢行，或者其實係所有需要持牌的顧客服務員，每年都需要持續進修獲得一定數量嘅持續進修學分（CPD）先可以續牌，學分需要在7月31號之前完成，否則便要說再見。

我們現時的學分由我最初入行時的10分增加到現在的15分。好懷念以前去鍘魚涌上堂嘅日子（同埋津津雞飯:P），疫情之下沒有面授課堂，CPD便需要通過網課進行，2、3月時我專攻CPD，15分已經完成了（點知後來因疫情放寬左變成12分，哈哈）。

其間上了兩個比較有趣的題材，一個係退休策劃，一個係下面呢個，最近有朋友搵我做退休策劃，你，又是否有計劃過？

我會總結一下呢兩個課堂資料，遲啲分享一下。