瀅瀅出世之後，平時已經很少單獨同其中一個女相處咁長時間，而且過程中會不停有人會問一D值得你深思既問題，你亦需要分享一下你既觀察和感受。
幾個老師，抬左攝影機、相紙打印機，有好多珍貴相片會即時印俾大家，貼在一本一早準備好的紀念冊，紀念冊係俾家長和小朋友每天簡單寫下今日最開心的事情，互相寫一句多謝贊美的話，窩心又貼心。
第一日一落機，大家就去左親子蛋糕班，導師安排了「手動」做蛋糕，沒有電動打蛋器，希望小朋友會親自體驗自己動手做蛋糕的辛勞。大人和小朋友個個都合作非常，愉快完成整個過程。之後一個小朋友開始幫手收拾廚房，清理灶頭，就越來越多加入，結果小朋友們一齊合力抹到所有枱乾乾淨淨，甚至寫上一張謝謝老師的紙。
老師不停講「你們怎麼這麼可愛，這還是第一次有學生幫我們收拾喔，你們實在是太好了」，一句句贊美，令小朋友們更起勁。這正正是生命影響生命的完美體現。
晚飯分享心情時，被問到，「大家不如講一下你今日對自己小朋友的觀察？」連我在內不少家長都覺得，忽然間覺得孩子長大了。以前我地總覺得佢地細，呢樣做不來，那樣不會做，只是一眨眼，佢哋已經瞬間長大了。整個做蛋糕過程，每位小朋友都聽得很認真，每個步驟都記得一清二楚，被指揮的是家長。
贊美鼓勵信任係幫小朋友搵返自信心的基礎，反觀大人對小朋友的態度，總是有不確定不信任懷疑指責的情緒，於是小朋友就更難處理問題，更難有安全感。沒有安全感，我們又如何可以放手？
沒有留言:
張貼留言