病向淺中醫（六）

大家都知道，要造影，就要用到顯影劑，所以首先會在手上開個針口，用嚟打藥。姑娘做個針口嘅時候，幫我度住血壓心跳，過咗一陣之後話，個心跳仲係有啲快，咁可能要食粒減慢心跳嘅藥，再等。

Huh? 70幾喎，你嘅意思係話我心跳唔正常？姑娘好有耐性咁解釋「咁你又唔使擔心，你嘅心跳好正常，不過做心臟科造影最好係70樓下，數據會準確啲」。

「咁咪十個有九個來到呢度都要食呢粒藥囉」？

「都係架」

「哦，咁就得啦」知道自己並非一個特例，心情即刻好咗。

「姑娘，其實我主要係驚我自己會未完成就已經低血糖暈鬼咗囉」

無諗過姑娘同醫生同一陣線，笑住叫我無有怕，呢度係醫院來。

人民幣的發展和展望（完）

總結一下上次講嘅人民幣課堂，其實用人民幣理財有很多選擇，當然你可以直接存定期，但係未必追得上通脹；可以買人民幣計價的股票，但係可能要忍受股價升跌的心理壓力，如果大家仲記得我曾經很喜歡的高息股87001，依家如果仲持有，會財息兼虧損。

人民幣基金相對單一股票，風險稍低，因為基金經理精選一籃子股票，比我哋自己選擇相對理性化很多，這是為什麼我們公司也加入了人民幣基金的原因。

最後當然是人民幣保單，大家可能成日都覺得保險只是保障，其實這個根深蒂固的傳統觀念反而讓大家忽略了保險很多其他的重要功能。保障和儲蓄只是基本面上的function，稅務優惠、投資增值、傳承、融資槓桿、小型信託、財產分配等等等等，把自己手上的錢更好的運用，離開時不會給接手人一個大難題，又何嘗不是一大功德。

人民幣會繼續向國際化推進，而香港作為全世界最大的人民幣離岸中心，一定有龐大的人民幣存款要尋找增值出路。你，準備好未？而你的資金找好增值出路未？

病向淺中醫（五）

看著預約單的檢查項目，我都呆一呆，唔少喎，對於一個完全無經歷過嘅人來說，有啲戚戚焉。

雖然有咗沙中綫之後去港怡醫院已經可以大約一小時到達，因為中午仲要碌返去馬鞍山接校車，我同姑娘講我需要拆開個檢查幾日做。

我覺得私家醫院最大的好處就係，你有得揀，起碼我要求多多，姑娘都肯盡量遷就，而且我問題多多，佢哋亦都會解答得清清楚楚。

抽血驗血只要生過BB都一定都做過，唔知道大家有冇試過冠狀動脈造影，最好就唔需要試啦，因為我呢個咁大膽嘅人，當顯影劑游走全身嘅時候，真係有衝動即刻爬起身走人。

人民幣的發展和展望（二）

開估先，Speaker 叫大家估下1973年做了1200人民幣定期，2017年連本帶利可以拿返幾多錢？佢話，原來得2400幾，連本帶利，升左一倍。有人可能會話，倍升喎都唔錯啦。2017年的2400人民幣，購買力又剩餘多？

Speaker介紹了「數字人民幣」，數字人民幣係中國人民銀行發行的法定數字貨幣，可以理解成電子化現金，然後佢問大家，咁佢同平時的電子支付有乜嘢唔同？本質上是不一樣的。簡單來說，你存入數字人民幣戶口和你放人民幣入銀包內是一樣的，這是你的錢，但是你放入其他電子支付系統的錢就已經不是你手上的現金了，而是交給第三方。

而數字人民幣有不少優勢，例如不需要網絡便可以支付、沒有銀行卡也可以支付、丟失錢包設定也可以掛失。它的存在，更平衡了一些電子支付系統的獨大和壟斷。

這令我也很有興趣去開一個戶口。

病向淺中醫 （四）

同事推薦的醫生讓我感覺很不錯，問得仔細，聽得認真，不催促，也不會讓你覺得侷促不安。

我告訴了醫生我的情況，按理說我的起居飲食不至於讓身體那麼不堪吧，醫生問了我一連串的生活習慣問題，我都是不錯的，然後我笑問，你話我係咪更年期^_^，阿醫生即刻話，邊有咁快，你仲咁後生。嗱嗱嗱，俾個後生過我嘅醫生話我後生，即刻乜病都冇。

醫生建議我認真做一次心臓檢查，連帶驗血，之後就基本上知道呢個人體主要系統有無問題。其實我都幾擔心做檢查，因為要空腹，我試過一次頭暈目眩心率不正，坦言自己驚會低血糖不醒人事。醫生笑住話，係醫院暈低都唔怕。

人民幣的發展和展望（一）

尋日上左一個叫「人民幣的發展和展望」的課程，分享一下我覺得有趣的地方。

Speaker講左唔少人民幣的歷史，例如新中國成立前（1949年之前），鈔票面額竟然有60億元面值，但是一張60億元的國幣鈔票只不過能買到6盒火柴，可見當時的通脹有幾恐怖，而通脹在不停的蠶食金錢的購買力。

Speaker 講了一個很讓人驚訝的例子，講的是有人1973年做了1200人民幣定期，然後一直都沒有取出來。1973年，1200人民幣已經可以起兩棟三層的小樓房，證明是一筆不少的財富。直至2017年，這位老人家百年歸老，女兒收拾遺物的時候，發現了這張定期憑證，於是去銀行辦理手續，大家估唔估到女兒連本帶利可以拿返幾多錢？

有人估10000，有人估40000，有人估1240，亦有人估3000。你估呢？

Speaker講咗一句，錢如果只放在銀行，即使做定期，購買力貶值幅度之大，大到你唔信。下次再續……