ETI / RPU / APL 你知道嗎?

最喜愛每週例會的 knowledge recapture 環節， 孔子曰「溫故而知新，可以為師矣」🤓。同事幫大家重新認真了解了一下一些保戶服務的重要定義，提醒我之前上堂都有提過既幾個大家可能不為意的保戶服務。

賣個關子，其實有無人知道咩野係保單自動貸款「Automatic Premium Loan」，延期定期保險「Extended Term Insurance」和減額付清保險「Reduced Paid Up」呢幾樣服務？如果客人沒有繳交保費，呢幾個服務係點運作既呢？😁😁

退休準備絕對沒有太遲!

三號風球要湊女，不如諗下點安排退休。上次遇到一個客人話我都55歲了，依家儲邊儲到，大家有無諗過有一定年資的客人係咪一定比20幾歲後生輸蝕？

後生有既係時間資本，用三四十年去滾存退休需要應付的三十年。不過有幾多個20幾歲既後生仔女會諗退休安排？資本少洗費多，哪怕叫佢每個月搣30蚊去儲起東洗洗西洗既錢，可能都寧願拿去飲一杯Starbucks 咖啡。

有年資既客人，可能仲有10年先會真正退下來，有的是真正的資本，不過現錢會越用越少，所以更加應該好好準備，令自己的資本抗到通脹，增值又提供被動收入，從而令自己之後的退休生活安穩無憂，大家加油加油！

北京行（十二）：完結篇

這次去北京，來去匆匆，卻在短短五天裡認識了霧霾、黃泥雨、狂風、大雪、小冰雹，溫度從27度降到0度，回升到5-8度，到走的時候，藍天白雲。北京30年來第一次在春天下雪，我們用五天走過了她的一年四季，真的有點意外，期待下次相遇。

北京行（十一）：天壇的風水命理

天壇係皇帝祈福酬神的地方，祈年殿年初祈福，九重天（中心有塊圓地板的地方）年尾燒祭品酬神。導遊叮囑大家唔好企上中心石板，因為以前連皇帝都唔敢企，係天家既位置，😜。接近中心板既附近酬神時會先放先皇神主牌位，再一圈圈放滿祭品。

門口的大木柱本來有三支，用來掛大燈籠，因酬神會天未亮就開始。綠色瓦台用來燒祭品，黑色一排係香爐。

天壇主色為藍色琉璃瓦，據說藍色最高級。祈年殿既設計令人難以置信，無釘無水泥，包含四季、12月、12時辰、24節氣、28星宿、36天罡，將古人篤相風水命理表現無遺。

北京行（十）：胡同和門當戶對

人力三輪車遊胡同一周，見到好多以前唔同大門。

古人講究門當戶對，原來淨係睇大門口就知道了。門口越大越有錢越高官，門口地上「石當」決定是文官定武官，圓武方文。門上木柱多少決定官承幾品，四個官承四品或以上，兩個五品或以下，七品以下不得放石獅，石獅頭上毛卷有幾個都講緊官階，大戶人家門口有影壁，用以遮擋屋內風水布局，雕刻紋飾非常美。

主人房一定坐北向南，女兒住西廂，因為西屬金，千金小姐是也。兒子住東廂，旭日東昇，全家希望。院內不種柳、柏，皆屬陰樹，多種石榴，多子多孫多福氣，西南為廁，東南為廳，父母主人房的台階一定比兒女多，所以父母又稱高堂，風水命理運用到了極至。

北京行（九）：不到長城非好漢

有道是不到長城非好漢，我只做了半個好漢:P，畏高人如我，上了一會兒已經腳軟，天氣突然只有5度，一下長城就開始飄雪。

北京行（八）：全聚德的烤鴨

有人吵著吃北京烤鴨，我去看和拍照，全聚德這個盛世牡丹拿了2016年比賽金獎，聽說便宜坊歷史更悠久，不過味道比不上。杭州之行我愛上西湖藕粉，這次北京之行，我愛上豌豆黃和芸豆卷！

北京行（七）：玉淵潭公園櫻花盛開

四月的玉淵潭公園，櫻花盛開，全園20幾個櫻花品種，2000多株，風吹花落，下雪了。

北京行（六）：白紫玉蘭皆美

這次北京之行，見得最多的是桃花和玉蘭花，多不勝數。據說慈禧太后小名叫玉蘭兒，所以頤和園裡也種了不少。

怎樣處理小朋友的情緒?

小朋友總有情緖，有時候淨係埋怨、怪責、鬧、迫、打等等不單止解決不了問題，反而疏導不了小朋友的情緒，久而久之會有好多問題產生。想分享一下上次講座教既三個英文字母ACT，如果為小朋友「設限」可以試用，我地一班家長仲要即場角色扮演，玩得超開心！

1）Acknowledge the feeling
2）Communicate the limit
3）Target an alternative

舉個簡單例子，小朋友不肯做功課。家長可以先用一些管理情緒句子「我都知做功課好辛苦架啦」「我見到你好用心做功課好努力啊」（A），通常小朋友一定會俾回應。不過，今日既功課今日一定要完成（C），講（C）要有3S，short 、slow、soft。最後用（T），不如你起身行下，喝杯水，吃塊餅先，之後我再陪你一齊做。

用ACT，大家要懂得觀察小朋友情緒，如果一句（A）未能calm down，要多諗幾個（A），再用C T，然後loop。而（C）一定要清楚，等佢明白呢個限制不能跨越。

大家各自努力，做得多就會融匯貫通了，不妨試試，幾有趣的一個方法，亦非常有效。

北京行（五）：酒店裡的速寫

在酒店的洗手間看到幾張速寫的插圖，覺得很美。

育兒學放手

四年班開始我拒絕幫大女兒對功課，溫默書，甚至溫書。所以佢經歷過無做曬功課，要罰；無帶齊功課，要蓋紅印；唔識英文功課既字，要自己一個字一個字咁查字典；數學答案多過一半唔啱，要改錯重做。造句唔識造，要自己上網搵例子；作文唔識，睇多D書再來過。

好坦白講，我地成績唔會好好，但係每一分都係自己打拼返來。最開心就係佢自豪咁講，「媽媽，你知唔知，原來無人識查字典？」「媽媽，我今個學期無再欠交功課！」「媽媽，我知我點解咁低分了，因為......」「媽媽，我要買多幾本補充，我覺得有用，因為我今次棒形圖評估終於有95，之前做左幾份補充真係得」，我見到既係佢自己跌跌碰碰一路行過來，一路成長。

尋晚，見到佢自己先錄音，然後播返出來幫自己默書，有一刻我好心酸好感觸啊！媽媽無乜嘢可以俾佢，我有既就係夠狠心，狠心放手，而我堅信狠心源於我心裏最深既愛。所以我不停同佢講，你信我，你得既，你絕對無問題。我有信念，佢一定可以揾到向前既動力同方法，一定走得比我遠。

母親節的感觸

母親節的節目就係hea，大門不出二門不邁，然後同兩個女係屋企睇「加洲大地震」，一路睇一路同佢地解釋，不過場面太震撼，所以我見佢地有一半時間用手遮住面，偷睇。

兩個都因為齣戲變得感性，九歲的大女話：如果發生呢D事，我一定唔會自己走左去。戲入面，嗰個自己逃生既媽咪男朋友角色太鮮明了。細女話：如果我永遠都係6歲，媽媽永遠唔會老，全部人都一直一齊咁開心就好了。

有時候，正正是因為我地無奈，所以我地希望時間停留，又正正是我地明白時間難以停步，所以我地更珍惜彼此。

北京行（四）：頣和園的參天古木紋

任何一個園區，都有這種樹紋的參天古木，掛綠色牌的是二級古樹，掛紅色牌的是兩個人粗的一級古樹，好漂亮。頣和園里不少這種像人造假山的石頭，其實是在太湖湖底挖出來的太湖石，石上的孔是天然的，導遊說沒有太湖石的園林算不上中國式園林！

北京有太多我喜歡的東西，一花一木一器，都在叫我再去一次😁。頤和園是慈禧太後避暑的地方，她有一個小名叫「玉蘭兒」，這是為什麼院子裡種了不少玉蘭花的原因。