然後再接連發生了幾次氣悶，我終於把心一橫，唉，去檢查下啦。
決定左去檢查之後，我請資深同事介紹左口碑好嘅心臟科醫生，選擇網絡醫生去檢查，一來是我們有不少口碑好嘅網絡醫生，這是我們保單的一大特色；二來只有自己體會過，才知道如何幫客人同解釋俾佢哋聽。
我對公司的預先批核和出院免找數服務真心贊不絕口，整個過程其實很簡單，預約專科醫生，登門拜訪一次，如果有病徵及醫療需要，除咗緊急情況，醫生會直接向保險公司申請預先批核，這個動作是預先批核了的診症和如下的檢查、治療。病人在接受治療的過程中可能要出出入入醫院多次，有了預先批核，無需付款，簽個名就走得，醫生/醫院會直接和保險公司安排，名符其實的免找數。
港怡醫院是我們的網絡醫院，我的心臓科醫生也在港怡，這就是為什麼大家見到我多次出入港怡醫院的原因。
當身體經歷一次「大地震」，人容易疑神疑鬼，連帶其他地方都覺得sensitive 起來，即係我哋俗稱周身唔聚財。
2021年到2022年，我經歷了腰傷舊患最嚴重復發，呢個舊患如影隨行，從小學開始一直都跟住我，以前玩田徑隊跳遠、三級跳拉傷過，細個邊識錫身。如果大家仲記得去年11月我分享過點樣練腰肌嘅圖片，當時應該係我最慘嘅時候。
另外一個困擾我嘅問題係心悸之後，我開始覺得左腹有少少陰陰哋痛，最衰係佢又唔係好痛，又唔係時時痛，就係咁暗暗地若隱若現咁煩住你。
然後2022年3月，迎來左第二次心悸。唔好問我點解又係3月？我都想知！第二次情況比第一次好，因為只係心跳不正常加速，好氣悶，但係其他症狀無出現。
當時係第五波剛開始，學校放緊空前絕後嘅特別假期，我開始思考或許應該去睇下醫生。
四五個月前，總是出入醫院？當時我講過，等我遲啲有時間分享一下我親身體驗AIA 網絡醫院的感受，我終於收到最後一份報告啦，一切安好，而我可以輕鬆寫多少少。
我哋成日話小病是福、帶病延年，呢個真係至理名言，因為病來如山倒，病去如抽絲，當人突然之間覺得病了，其實要花很多時間去了解分析到底是怎麼了。
大家應該知道，我絕對算是一個諱疾忌醫的人，如果沒有什麼特別的不舒服，我都是不會去看醫生吃藥的，這也是為什麼2016年那場大病，我曾經說過我吃了近二十年的總藥量。
2021年3月我經歷了人生的第一次心悸，OK，唔係平時我哋見到靚仔靚女嘅心動時刻。嗰次嘅感覺好恐怖，我有一刻覺得自己就嚟瘁死。頭暈目眩、嘴口發麻、氣喘、血壓上升、心跳加速到一個非常不正常的情況，但係你偏偏控制唔到。我當時同主人講咗句，你一陣如果見我趴低，可能要call 白車。
幸好，我還清醒，之後慢慢回復正常，只是當時的感覺讓我認認真真的擔心了一段時間，擔心，但是沒有求醫。
7月5號我哋公司下半年嘅大日子，2022下半年投資攻略高峰會。原來三年前，我哋都係今日舉行高峰會架，我分享一下自己做嘅一D筆記：
上次講過，有四大族群有必要預備更多退休金。
時不時就會有人問，退休生活洗費應該如何計算？其實豐儉由人，每個人需要的都不同，我兩一萬蚊一個月已經覺得足夠，佢兩個可能想要萬八蚊，去到你到，可能想要月洗三萬蚊。
上堂時阿Sir教咗一個簡單嘅計算方法，預算退休儲備為自己每月洗費的300倍。其實這個方法假設了每年投資回報用作退休開支，而回報率是4%：
每月開支x 12 個月 / 4%
如果每月有3萬蚊，要預算900萬，5萬蚊，則要預算1500萬，如此類推，這個預算並不包括突發巨額醫療費用。
退休生活由今天開始選擇！我哋首先要做嘅係定立目標，充分利用儲蓄、投資去為退休作準備，開始做-> 有基礎-> 再進一步提升質素。
而有四大族群更加需要準備多啲，哪4大族群？下次繼續……
大小朋友終於都歸隊，返半日學了，阿媽我好雀躍，一早起身就準備妥當，可以返工啦！
大家有幾耐冇呢個「可以返工啦」嘅雀躍感覺？在工作上有幾耐搵唔到最初嘅滿足感？初心還在嗎？又是否曾經想過去改變些什麼？想完之後，有行動嗎？
送大家我入行時上新人堂背默的一段話：
「Vision without action is merely a dream. (有所想，無所動，只是夢）
Action without vision just passed the time. （有所動，無所想，渡光陰）
Vision with action can change the world. （有所想，有所動，夢境成）」
當你跨出第一步，你已經不再是以前那個你，世界也已經不再相同，回望過去會發現並非想像中那麼難。
這些年，我很快樂，我也希望大家能夠快快樂樂！
自從入了保險這一行，經常收到朋友們分享給我的資訊。收到這張圖，我覺得很不錯，簡單扼要的把危疾保險的作用列了出來，大家是不是全部都知道？第8點知道嗎？而且並不知道是所有保費公司會做第8點！有的公司只會按比例減少客人所付保費罷了。那第6點呢？大家還是多想想多看看吧。
時不時都會有朋友問我，退休要準備多少儲蓄？其實這個問題很個人化，你準備每個月花費多少在衣食住行？每年會去旅行嗎？會報讀興趣班嗎？你有醫療保險照顧自己的醫療費用嗎？還要供樓嗎？有多少是衣食住行以外的必須開支？你有被動收入來源幫你抵消一下固定開支嗎？等等等等…… 你看，這是不是一個很大的議題？
退休規劃需要考慮安全性，在安全的基礎上追求回報，短、中、長期都應該齊備，高風險高回報的需要有心理準備進行長時間的安排，中短期的規劃反而應該把風險降低。
需要儲奮多少？重要的事情說三次，寧多勿少、寧多勿少、寧多勿少！為什麼？因為如果你在「經濟累積期」收入頗豐，你會對自己的退休安排過於樂觀，萬一低估了退休時實際生活開支，尤其是醫療開支，那結果可能會是很讓人傷心的。
退休規劃的重要原則就是：盡快開始、盡快開始、盡快開始！
大家知唔知長者有乜嘢社會保障？長者生活津貼大致分三類，而除咗高齡津貼免資產審查，另外兩種都有資產限額，但係就算經過資產及收入審查的高額長者生活津貼，每月$3915，也絕對不能應付生活開支，分享一些數字：
公司新產品竟然選擇係星期六發佈，因為俾我地多啲時間準備？^_^
我睇完，覺得想幫年幼小朋友儲讀書錢最方便最好，供款只係兩年，以一萬美金計，12年後多咗75%。其次就係就快退休人士，早啲將「閒錢」pat埋一邊，退休時可以多筆錢去玩下，反正放係銀行得啖笑。仲有就係我呢啲狂儲蓄人士，有少少都擠出嚟儲起佢。
投資同儲錢無衝突，而保險嘅最大好處唔需要我多講，指定受益人、保本、不需要遺產承辦….等等等等。
遲D寫開文章分享一下我之前講聽到戚戚然的case，其實不需要問，只需要信。
開會的時候聽了同事們分享了自己經手的賠償case，心裡有點戚戚然，這些活生生的例子實在是太慘烈了！我每年都會去提醒一下大家要留意自己的保障、留意自己的保障、留意自己的保障，今天聽到的告訴我，要更認真的對待每一個保障缺口，但願這些事情別發生！
繼續退休規劃呢個話題，先列一D數字俾大家睇吓，我上堂睇到時覺得都幾surprised：
：
1）根據統計處綜住戶統計調查，現時長者退休品質欠佳，有33.9%長者住戶生活於貧窮線下。
2）長者貧窮率與整體貧窮率相距有1.9倍，主要以子女贍養或政府津貼維持日常的飲食起居。
3）隨著高等教育的普及，就業年齡推遲，而科技進步及經濟模式的改變又迫使退休年齡縮減，以前可能18歲便開始工作直至65歲退休（47年），現在可能22甚至更遲才開始工作，但是60歲或者更早便退休29-38年）。
4）人均壽命比以往大幅增加，導致更長的退休生活（25-30年）需要在更短的經濟累積期規劃（35-38年）。
5）你可能活得比你預期的還要久，例如65歲的男性有50%機會活到82歲，25%機會活到92歲；65歲的夫妻有50%活到92歲，25%機會活到97歲。
係咪睇完都覺得有少少涼浸浸，仲有啲更心酸嘅係後面。
下次繼續……
如果你身邊有以下幾類人士，歡迎你向我們推介，你的推介可能會成為他們人生中的一次轉捩點：
1 . 近一年本港或海外大學畢業生；
2 . 在職人士，但對於現職感到不如意，或者懷才不遇者；
3 . 剛剛離職的待業人士；
入職要求：
中五/中六畢業包括會考或DSE五科及格，大學畢業生優先，而曾任職銀行或其他保險公司者也會優先考慮。
公司在本月26號晚上有一個網上簡介會，如果有朋友有興趣想多了解一下，可以聯繫我拿簡介會連結。
